特價

The Wonderland

$90.0$690.0

人手調配需時 逢星期五截單

截單後約7天發貨(Email &手機短訊通知)

海外客戶默認平郵掛號 下單前請先通知客服

我們會為你計算郵資及郵寄需時

如有任何疑問請諮詢客服 我們樂意為您解答

貨號: 不提供 分類:

描述


甜夢.仙境 The Wonderland



整個故事離不開一場夢
夢一般趣怪 荒誕 
意息卻不知不覺地植根
我們都害怕長大 無法靜止時間
對未知的變數感到恐懼
既然無法控制 不如好好珍惜現在
重拾童心 好好活在當下


•香味點評•

瘋帽子與愛麗絲的下午茶時光
森林氣息與甜點的氣息互相交錯融合
前中調是層次十分豐富的美食香調 
就如置身於可愛甜美的甜點中
十分夢幻 又不會過於甜膩
讓你甜美度直線上升之餘 間攻陷男神~
後調是帶葉香的森林氣息 加上抹茶餘香
在享受完甜點後來口清新抹茶沖淡先前的甜膩感
深深吸進森林氣息 忘掉凡塵一切煩惱


•成份•

草莓 荔枝 牛奶 蜂蜜 抹茶 香草 白葉子


休閒 : ★★★★☆
甜度 : ★★★★★
成熟 : ★☆☆☆☆
清爽 : ★☆☆☆☆
留香 : ★★★★★


額外資訊

ML

100ML, 10ML, 60ML

The Wonderland 共有 6 則評價

  1. sammi

    好評到
    其實我一直都冇俾過好評
    宜家補返數先
    我個人其實唔太鐘意好俗嘅香水
    有時經過啲香水店都覺得個鼻好辛苦
    同埋冇乜錢
    偏偏依間shop 我一買再買
    其實我第一次幫襯上年10月幾
    嗰陣仲未改名
    嗰陣買左
    ❤加勒比海風☁
    個人幾鐘意依隻味
    覺得佢好清新
    其實覺得有啲海水加沖涼液嘅味
    第一次用就愛上左
    不過嗰陣要返學又dse 所以好少噴
    之後再買就已經改左名
    嗰陣買左3支
    ❤Angel kiss
    依隻味有少少甜
    有陣好香甜嘅密瓜香
    噴左一陣又覺得有啲似街上面嘅香水嘅味
    有啲輕柔嘅感覺
    禁忌之果
    我覺得佢好大陣蘋果味
    加埋其他味 有少少刺鼻
    個人嚟講唔太鐘意
    不過有個frd話聞到覺得有啲草味定木味
    話佢好似有蘋果樹嘅森林咁
    Venus
    覺得陣味有啲濃
    我覺得花香味 比較重
    之後想再買點知就加價
    宜家就咁啱遇到買3送1
    計過 仲平過未加價之前
    嗱嗱聲落單
    啲香水今朝先收到
    ❤Artemis
    陣味有少少淡
    又係有啲草味木味 好似森林咁
    不過就冇禁忌之果咁多果香
    單純嘅森林 好清新嘅香味
    好大自然
    聞完覺得好舒服
    ❤琉璃之舞
    第一下聞有陣好似消毒藥水 清潔劑嘅味
    聞落 其實係幾清爽嘅
    一啲都唔濃
    好淡淡嘅香味 所以我都幾鐘意
    ❤櫻花樹下
    有飲過櫻花茶 兩陣味都幾似
    即係都有陣櫻花味
    但係都聞到有少少甜 有啲似糖味咁
    ❤❤❤夢之仙境
    勁勁勁勁鐘意
    陣味超甜 好鐘意
    好香好似有好多甜品咁
    甜品大食會
    好正
    我個人好鐘意甜
    所以真係好鐘意依支香水

  2. mickey

    好評~
    Party queen個隻藍色好靚雖然冇我想像甘深色 但係好靚 我係甘搖個樽同埋係好香 超級香 但係唔識形容隻味 總之就係香
    夢之仙境開頭好濃 後尼就淡淡地既甜味 個陣士多啤利味我好中意 隔住個樽都聞到
    幫襯咗第二次 每隻味都好驚喜 已經決定咗由save你電話開始就唔會再del 以後買香水都一定搵你
    每次都係俾你ig po打既野吸引 而且啲味夠特別 我中意
    下次應該會買星座香水 以後都一定會整星空 因為真係好得意 同個樽好襯

  3. chloe Yu

    比翻個好評先
    其實一開頭係因為見到香水樽好令先想買
    好少會見到咁有心機嘅Ig shop
    收到嘅時候一拆開個袋已經聞到啲香水味

    Angel kiss
    同我想像中唔同,陣味好清新比人感覺好舒服,而且我覺得有少少似商場香薰或者鹼液嗰種味,唔會令人反感

    蜂蜜柚子茶
    都係比較清新嘅味道,蜜糖味比較重,好容易令人接受,親和力MAX

    玫瑰拖肥奶茶
    陣味俾人感覺好有氣質,玫瑰味之中亦帶一啲奶味,本身唔係對玫瑰味特別有好感嘅我都覺得好舒服

    夢之仙境
    陣味真係好甜,好似俾好多甜品包圍咁,成日都忍唔住係咁聞自己身陣味,成日都比甜味圍住個feel勁幸福

    仲有店主啲字真係好靚

  4. 陳律嬑

    話說我已經幫襯過三次,每次都冇令我失望

    本來我唔太中意香水,因為我印象中既香水係成陣香精味(好化學,成陣香精味方死人地唔知你噴香水咁,仲聞到好唔舒服),加上有鼻敏感,所以對香水冇好感

    我幫襯呢度係朋友介紹,佢話比我聽呢度有得用自己既story調支香水出黎,咁貪得意既我就撞左黎呢度我第一支係度買既係love story我收到之後番到屋企即刻試,一開頭有啲酒精味,但酒精味散左之後陣香味真係好特別,好有層次,陣味又唔會好似出面啲香水陣味咁化學,然後我就中意左香水呢樣野((破產了

    第二次我買左三支,一支人魚之淚,一支棉花糖,一支夢の仙境,三支都好正
    首先人魚の淚,陣味清清地咁,同個故事好貼切,唔知點解聞到陣味會好感覺到人魚公主果仲心情
    然後支棉花糖,陣還原度係幾乎100%,完全係吃貨專用既香水
    另外支夢の仙境,呢支陣味又係幾甜,好似有好多唔同既甜品、水果味既飲品放埋一齊既味,甜得黎都幾有層次

    而今次買左兩支,一支係星座香水,一支係加勒比海風,果然冇令我失望
    加勒比海風聞落好舒服,感覺好似真係去左海邊咁
    而果支星期香水聞落有森林既氣息,好岩我性格

  5. Angela Shek

    其實由你店名仲係叫love at first smell 個時我就有幫襯㗎啦
    不過以前中意甜味多D 夢之仙境,櫻花蜜茶 , Angel kiss, 薄荷糖唔同size都回購左好多次。

    最中意係你d香水可以按個人需要改 好岩我地依D去餐廳就改哂人地成個餐牌嘅香港人。 我試過係你度回購 薄荷糖香水 要少甜 好似叫野飲咁

    依加人大左唔中意甜味香水了,但都仲一直係你度回購冰封之心
    我真係超級中意佢, 淡淡薄荷味再轉為梨花香,唔知點形容但好少女,哈哈~ 聞一次就愛上了。

    另外今次仲買左Athena, 落左單之後先去格仔試 發現隻味唔太岩我
    隻味好朝氣蓬勃嘅感覺, 好陽光, 但其實好好聞嘅, 好fresh 。

  6. kelly5120

    終於收到哂所有香水可以比好評店主了第一次幫襯你間店但唔知點解莫名其妙買左咁多支起初買三支見好多味想試又咁岩有優惠就係咁加單每隻香水味道都好有特色初頭收到聞個陣嗰陣覺得同想像中有啲出入不過噴出嚟之後嘅味道就不斷變化好神奇雖然比其他ig shop貴左少少,不過一分錢 一分貨嘛香水非常持久而且唔俗又舒服(一開始係有酒精品,但散左就好香了☺)其他店要成日補,你呢個真係唔洗補第二日都仲有淡淡既味聞落去勁舒服唔洗補之餘仲要噴一下就好足夠咁咪可以用耐啲計番其實好抵又唔洗怕過期係呢到買左好多味都想講下啲味係點

    琉璃の舞❄
    覺得呢隻味好熟悉但唔識形容個味係點有啲似柔順劑既清香(?)聞落去係好自然同好香既味,唔會話好成熟有種好清純少女既感覺中調同後調持久時間特別耐偶爾會聞到淡淡既清香超正適合日常使用由於唔識形容個味就打住咁多先

    櫻花蜜茶
    一開始係有好香濃既蜜糖味事關唔知櫻花咩味所以只聞到蜜糖同茶味到左一陣蜜糖既味比茶味甘味取代左當中亦帶有少少花香散出黎應該就係櫻花啦但又唔係無左個味,只係佢地個味融合左三隻味輪流散發佢地獨有既香無諗過會咁夾味道比蜂蜜柚子茶低調啲成個感覺變得好和諧☺適合啲文靜小小既女仔用

    Angel Kiss
    一開始係有好清甜既蜜瓜香到左中調就黎料啦簡直同個香水個名100%貼切好有Angel既氣息變左一種好舒服好柔和既清甜香個種香係好虛無飄渺咁會令人係咁索沖完涼都仲有淡淡既香氣超正處女作果然唔係浪得虛名難怪係鎮店之寶啦

    禁忌の果
    呢支同想像中有小小出入以為係甜甜地既花果味,即Angel Kiss個類但原來唔係個回事味道係偏fresh啲,菠蘿將蘋果融合後帶出熱情既感覺但同時都夾雜住一啲草味

    夢の仙境
    起初覺得佢陣甜味都幾濃下陣味係好似士多啤梨煉奶香咁但發覺之後既香氣有微妙改變變左有啲甘甘地既苦去中和左陣酸甜睇翻成分先知係有抹茶當中和左陣甜味就自然翻啲因為有抹茶既緣故帶出香草味維持得耐啲開始愈黎愈好聞令我對佢有改觀

    蜂蜜柚子茶
    初初以為同櫻花蜜茶差唔多但其實佢地都各有各特色柚子個果香味好突出蜜糖味比較甜令到茶味都甜埋一份但都係好自然☺個味有啲似檸檬茶輕微既酸酸甜甜好正同櫻花蜜茶都有一樣既地方就係融合方面一樣係咁出色呢支適合啲活潑小小既女仔用

    爽身粉
    一開始個味唔多似爽身粉,但後來就散發出淡淡既爽身粉香好輕柔自然既感覺

    蔚藍之光☄
    好清爽既沖涼味比爽身粉自然d似高級地方既香味聞完會覺得超舒服☺佢係咁多隻最自然最清既味☄

    Christmas
    最期待既味亦都係我覺得好新鮮既味一開始噴出黎個下個味好似黑糖薑茶既味,由於聞到薑個種辣味所以覺得好似伏伏地好快到左中調變左玫瑰花味同聞到啲粉粉地既味好似雲呢拿咁玫瑰味比我既印象係好成熟,但呢個就好自然之後又好快咁進入後調(?)已經聞到小小既皮味起初以為皮革係沙發個啲味,不過呢個就無沙發個味咁勁而且個感覺真係好warm好似提升左皮膚溫度再散發玫瑰既香氣咁唔會話好濃俗or成熟,適合冬天使用❄ 但我覺得呢隻相比其他味進入中後調較快,唔係好持久。。。係咪我錯覺呢?

    3.6牛乳布丁
    好香既牛奶糖味甜度岩岩好到中調變得無咁甜因為個味好逼真可以想象到所以唔多講

    北海道草莓朱古力
    起初以為大家都有草莓就應該同夢の仙境差唔多都係好甜既士多啤梨味一噴係聞個陣反而係充滿好濃郁既朱古力香士多啤梨既味只係若隱若現淡化左朱古力既香濃無夢の仙境咁甜但朱古力好逼真會真係搞到人好想食如果呢隻同牛乳布丁溝埋黎噴會點呢一定更加想食

    山茶花
    呢支係比朋友做聖誕禮物

    最後要讚既一定係店主既態度係一個好用心經營嘅店主我係咁問問題都成日諗住轉味店主都無怪到我又唔嫌我煩真係好好人好似朋友咁唔止香水高質素,就連店主都係高質素不過建議可以密啲上水以後可以放心係你店幫襯了

只有註冊並且購買過商品的顧客才能撰寫評價。